Og so vart det endeleg dans på Tefre ridegard igjen. Ein god gamaldags dansefest av den sjeldne sorten Ein elles so vindfull dag, og noko kjølig temperatur når sola gjekk ned stoppa ikkje dansefolket i år heller (+3 grader kl. 02.00). Det gjeld å kle seg godt, og fjorårets gjestar hadde lært dette. Omlag det same antallet som ifjor kara seg på fest i både innleigde bussar,bubilar (som hadde eigen parkeringsplass), sykkel,gåande, og privat bil. Arrangøren sytte for mykje god grillmat,samt høveleg drikke attåt. Igjen ser vi at 3 generasjonar tek eit festeleg arrangement ilag. Hallen var som vanleg flott pynta med ymse landbruks redskapar, her var det både traktorar med hengar, hestevogner. Artig vri å bruke desse som benkar, og bord.(sjå bilda) Nokre nye førstegangs besøkande, vart nok overraska over at ein så stor hall kunne bli so bra. Dette må berre opplevast folkens, og dommen frå samtlige som var der = kanonkveld, noko utanom det vanlege. Og stadig treffer eg folk som kunne tenkt seg å ha vore der. Då er det berre å sette eit stort kryss i kalendaren neste år. Og vi håpar Berit legg ned like stort arbeid og arrangerer denne festen neste år og. Måtte dette bli ein fast tradisjon framover. Vi takkar for oss, og synest dette vart ein toppen kveld. Vi ser som vanleg fram til å treffast snart igjen. Vår faste fotograf hadde gøymt kamera so godt, at han fann dette etter vi hadde rigga ned utstyret, og festen var over. Så dersom nokon har bilder frå festen kan de sende desse til Denne e-postadressen er beskyttet mot programmer som samler e-postadresser. Du må aktivere JavaScript for å kunne se adressen . Så skal vi sjå kva som kan leggast ut. Vi ysnkjer alle ein god sommar, og måtte det bli noko varmare framover.

Bilder finn de her